ጋዜጦች እና መጽሔቶቻችን ከሰኞ እስከ ሰኞ - አሥር

(ከሐምሌ 30 እስከ ነሐሴ 6፣ 2004)

Capital ጋዜጣ “Golden Girls” በሚል ርዕስ በፊት ገጹ ላይ ባስነበበው ዜና ኤድናሞል ላይ በተሰቀለው ስክሪን የዓርብ ዕለቱን ሩጫ ሲመለከቱ የነበሩ በርካታ ኢትዮጵያውያን መሰረት ደፋር በሚበሩት እግሮቿ የመጨረሻውን መስመር ስትረግጥ በሐሴት እንደተጥለቀለቁ ጽፏል፡፡ Fortune ጋዜጣም በተመሳሳይ ዜና ኢትዮጵያውያን በሙሉ ወርቁ የኢትዮጵያ እንደሆነ በርግጠኝነት ተማምነው፣ ሲጠብቁ የነበሩት ከመሰረት እና ከጥሩነሽ ማን ያመጣዋል በሚል እንደሆነ ዘግቧል፡፡

** ** **

‹‹ዳግም የተወለደችው መሠረት ደፋር›› የሚል ዜና ያስነበበን ደግሞ ሪፖርተር ጋዜጣ ነው፡፡ ‹‹“የአምስት ዓመት ልጄን በስልክ አግኝቻት ነበር፡፡ እርሷም ‹ማሚ እባክሽ የወርቅ ሜዳሊያውያን አሸንፊ› ስትል ጠየቀችኝ፡፡ ቃል ገብቼላት ነበር፤ ቃሏን በመጠበቄ ኮርቻለሁ በቃ፣ ዛሬ እንደገና የተወለድሁ ያህል ከፍተኛ ደስታ ተሰምቶኛል፤” …››

** ** **

የ“ፍትሕ” ጋዜጣ ዋና አዘጋጅ ሦስት ክሶች ተመሰረቱበት ጋዜጣዋ አሁንም አልታተመችም - አዲስ አድማስ

‹‹…አቃቤ ሕግ በተመስገን ደሳለኝ ላይ ሦስት ክሶችን የመሰረተ ሲሆን ፥ ክሶቹም 1ኛ ወጣቶች በአገሪቱ መንግስትና ሕገ መንግሥታዊ ሥርአቱ ላይ እንዲያምጹ የመገፋፋትና ግዙፍ ያልሆነ የማሰናዳት ተግባር፣ 2ኛ የሀገሪቱን መንግስት ስም ማጥፋት እና የሀሰት ውንጀላ እንዲሁም 3ኛ የሀሰት ወሬዎችን በማውራት ሕዝብን በማነሳሳት ወይም አስተሳሰባቸውን ማናወጥ የሚሉ ናቸው። …››

 ** ** **

ባንኮች የውጭ ምንዛሪ መስጠት አዳግቷቸዋል - ሪፖርተር

‹‹…በተለይ የአገሪቱ ትልቁ የንግድ ባንክ የሆነው የኢትዮጵያ ንግድ ባንክ ለደንበኞቹ ሌተር ኦፍ ክሬዲት መክፈት ሲያቆም፣ ባንኩ እዚህ ውሳኔ ላይ የደረሰው የአገሪቱ የሦስት ወራት የውጪ ንግድ ከመቀነሱ ጋር በተያያዘ ነው የሚል መልስ እየሰጠ መሆኑን ምንጮች ገልጸዋል፡፡ …››

** ** **

አዲስጉዳይ መጽሔት ‹‹ጋዜጠኛ ሳምሶን ማሞ የሰብአዊ መብት ጥሰት ተፈጽሞብኛል አለ›› የሚል ዜና አስነብቧል፡፡ ‹‹በዜድ ፕሬስ ፕሮሞሽን ኃላፊነቱ የተወሰነ የግል ኩባንያ ሥር እየታተመ በየሳምንቱ ለንባብ ይቀርብ የነበረው ኢትዮ ቻናል ጋዜጣ ንግድ ፈቃድ ባለማደስ ምክንያት ላልተወሰነ ጊዜ ከህትመት ውጪ እንደምትሆን የኢትዮቻናል ማኔጂንግ ዳይሬክተር ጋዜጠኛ ሳምሶን ማሞ ለአዲስጉዳይ ተናግሯል፡፡…››

** ** **

ሌላም፣ ሌላም

• ኢህአዴግ የህዝብ አመኔታ ያጣ መንግስት ስለሆነ ሥልጣኑን ለህዝብ ማስረከብ ይጠበቅበታል - ክቡር ዶ/ር ነጋሶ ጊዳዳ (ፍኖተ ነፃነት)
• ለውይይት የተጠሩት የአንድነት ፓርቲ አመራሮች ፍርድ ቤት ቀረቡ - ፍኖተ ነፃነት
  ‹‹…አንድነት በእነ አንዱዓለም አራጌ ላይ የተሰጠውን የፍርድ ቤት ውሳኔ ላይ በተቃውሞ መግለጫ መስጠቱ በፓርቲው ፍርድ ቤቱ ላይ እና የፍትህ ስርዓቱ ላይ የተቃጣ ከፍተኛ ጥፋት ነው በማለት በስፋት ካተተ በኋላ ፓርቲው በአገሪቱ ለመድበለ ፓርቲ ግንባታ የሚያደርገውን ከፍተኛ አሰተዋፅዖ ከግምት ውስጥ በማስገባት በተግሳፅ እንዲታለፍ መወሰኑን የግራ ዳኛው ሁሴን ይመር በንባብ አሰምተዋል፡፡…››
• የአቶ ጁነዲን ባለቤት ተጠርጥረው የታሠሩት ከሽብር ጋር በተያያዘ ነው - ፌዴራል ፖሊስ (ሰንደቅ)
• ድንግል ማርያም ነኝ ባይዋ “ጣሪያ ቀድጄ እወጣለሁ” አለች - አዲስ አድማስ
• የአንድነት ለፍትሕና ለዲሞክራሲ ፓርቲ አመራሮች ፍርድ ቤት ቀርበው በግሳጼ ታለፉ (ሪፖርተር - ረቡዕ)፣ ኢትዮ ቻናል ጋዜጣና ሳምሶን አድቨርቲይዚንግ ላልተወሰነ ጊዜ ተዘጉ (ሪፖርተር - ረቡዕ)፣ የኢትዮጵያ አየር መንገድ ትርፍ በ40 በመቶ ቀነሰ - (ሪፖርተር - እሁድ)
• Ethiopian Airlines’s Dreamliner Dream Becomes True - Fortune

ርዕሰ አንቀጾች

• አሁንም እንጮሃለን! ሕዝቡ ማን እንደሚመራው በግልጽ ማወቅ አለበት - ፍኖተ ነፃነት
• ሜዳው ላይ እንተያይ!” አትሌት ጥሩዬ - አዲስ አድማስ
• ኢትዮጵያን አትንኩ!! - ሪፖርተር (ረቡዕ)
• የኢሕአዴግ የራዕይ እጥረትና የተቃዋሚዎች ራዕይ አልባነት አገራችንን ለአደጋ ሊዳርጋት ይችላል - ሪፖርተር (እሁድ)

የሳምንቱ ጥቅስ

‹‹15 አመት እንደምታሰር እያሰብኩ ጋዜጣ ልሠራ አልችልም›› - ሳምሶን ማሞ (ለአዲስ አድማስ ጋዜጣ በሰጠው ቃለ ምልልስ)